女人責任｜投訴新抱寧願煲劇唔執屋「無得救」 奶奶偏幫兒子：家務梗係女人做

「我個新抱完全唔執屋㗎！」居於溫哥華的友人呻吟般低喃：「唉！佢寧願煲劇、歎咖啡、做facial，就係唔執屋！兩個仔啲嘢周圍擺，廚房啲未洗嘅碗碟堆到成座山咁高，就係連放入洗碗機都懶，真係無得救！」

友人口中的新抱嬌媚可人，擁有碩士頭銜，當年婚後仍繼續工作，未幾先後產下兩名兒子，在任何人眼中都是能幹優秀的女性，萬萬也料不到會被奶奶踢爆其懶惰不做家務的真實面貌。

不過若然設身處地想想，加拿大聘請傭人太昂貴了，新抱要兼顧上班和湊兩個幼兒，無暇做足家務都是可以理解的。24×7的媽媽偷空煲劇或歎杯咖啡，也是理所當然呀！

「咁你個仔有無幫手做家務？」我禁不住問。

「我個仔好忙㗎，咁家務嘅嘢梗係我哋女人做㗎啦！」我沒再追問，一個人牢固的觀念是不可能三言兩語就打破的。

無獨有偶，居於倫敦的友人有天向我嘀咕：「唉，我個仔同新抱剛剛生咗Ｂ，以為去探孫啦，點知間屋真係亂到慘不忍睹，地氈鋪滿雜物，梳化要撥開雜物至有位坐下，我想幫都唔知從何開始……」她壓低嗓門續說：「究竟係咪依家啲家長唔教女兒清潔家居㗎？」

「咁你又有無教你個仔執屋呀？」我反問。友人靦腆地回答：「咁我個仔由細到大都真係有工人姐姐幫佢執拾嘅。」

我跟兩位友人獻計：「有個辦法可以解決新抱唔執屋嘅問題嘅——就係你唔睇、唔知、唔理，咪無事囉！」執屋與不執屋這回事，還是交由屋主主導吧！

中小學測考季即將來臨，TOPick精選名校的中、英、數、常練習題：立即免費下載

HKET App已全面升級，TOPick推出親子、健康、娛樂、港聞及休閒生活資訊及影片，立即下載︰https://onelink.to/f92q4m

追蹤TOPick Whatsapp頻道睇最新資訊︰http://tinyurl.com/3dtnw8f5